అసలు మహాభారత యుద్ధం లో శ్రీ కృష్ణుడు ఏమి చేశాడు

*శ్రీకృష్ణుడు - అస్త్ర విద్య :

భౌతికమైన చరిత్ర, వైజ్ఞానిక అభివృద్ధి గురించి మనం పెద్దగా చర్చించుకోనవసరం లేదు......వాటిని మనం అనుదిన శాస్త్రాలలో నిత్యం చదువుతున్నాం కదా! అయితే "శ్రీకృష్ణుడు" చేసిన గొప్ప పనులు మనం ఇంకా గుర్తించ లేదని అనిపిస్తోంది. "శ్రీ కృష్ణుడు" చేసిన గొప్ప పని ఏమిటంటే "అస్త్ర విద్య"అనేది లేకుండా చేసేసాడు. మనం మహాభారతాన్ని విశ్లేషణాత్మకంగా చదివితే,అర్ధం అవుతుంది. శ్రీకృష్ణుడు తరువాత అస్త్ర విద్య లేదు. శస్త్ర విద్య మాత్రమే ఉంది. ఈనాడు శాస్త్ర విజ్ఞానం "శస్త్ర విద్య"లో పరాకాష్టకు వెళుతోంది. శస్త్ర విద్యలో జడ పదార్ధాన్ని ఉపయోగించి.....మారణ హోమం చేయడంలో "ఆటమిక్ ఎనర్జీ" ఉన్నత మైనది. అయితే ఈ అస్త్రవిద్య ఉంటే...ఈ ఆటమిక్ ఎనర్జీ కూడా ఎందుకూ పనికి రాదు...అని శాస్త్రవేత్తలు చెబుతారు.

     ఇక్కడ మనం, శ్రీ కృష్ణుడిని...జగద్గురువు అని ఎందుకు అంటున్నామంటే, మహాభారత కాలంలో ఈ "అస్త్ర విద్య" చాలా ప్రాదుర్భావం చెందినపుడు, *అస్త్ర విద్య తెలిసిన, వ్యక్తులందరినీ ఒక చోటుకు తీసుకు వచ్చో 18 రోజుల్లో వారినందరినీ సంహరింపజేసాడు.*

     ప్రపంచాన్నేమీ చెయ్యలేదు శ్రీ కృష్ణుడు. అస్త్రవిద్య లేకుండా చేసేసాడు.అస్త్ర విద్య *కీలితం* కాబడింది. అంటే ఏమిటి? అస్త్రవిద్య గురించి మనకు అంతా తెలిసినప్పటికీ...మనం దానిని ఉపయోగించుకోలేం.

   *కీలితం చెయ్యడం తప్ప , విద్యను నాశనం చేయలేదు. నాశనం చేయడం, గురు సాంప్రదాయం కాదు. ఈ "అస్త్ర విద్య" ఉన్నత స్థాయికి చెందిన విజ్ఞాన శాస్త్రం.*

     ఒక వైపు అస్త్ర విద్యను, నాశనం చేస్తూనే...రెండవవైపు, అర్హత కలిగిన వాడికి, అస్త్రవిద్య ఎలా పలికించుకోవాలో...తెలుపడానికి మహాభారత యుద్ధం అందించాడు.

*"యథేచ్చసి తథాకురు"* అన్నాడు....అర్జునినితో....అస్త్ర విద్యను కీలితం చేసిన తర్వాత,తన నిర్యాణ సమయంలో....ఈ విద్యను మరల ఎవరికైనా అందించాలి. ఎవరు లభిస్తారు? ఏం చెయ్యాలి? అంతటి మేధాశక్తి సంపన్నత కలిగిన వారెవ్వరు?అన్న ప్రశ్నలకు, ఆయన నిర్యాణం చెందేసమయంలో....ఒకరు మైత్రేయ మహర్షి, పరిస్థితుల ప్రోద్బలం వలన ఉద్ధవుడు ఉన్నారు. మహా భారత యుద్ధంలో...ఉద్ధవుడు, మహారథి. అస్త్ర విద్యలో నిష్ణాతుడు. కానీ శ్రీకృష్ణుడు అస్త్ర విద్యను ఉపయోగించవద్దని చెప్పడం వలన....అతను ఉపయోగించడని, శ్రీకృష్ణుని నమ్మకం.

*అస్త్ర విద్య అంటే ఏమిటి?*

అస్త్ర విద్య అంటే, వాక్కుద్వారా పని సాధించడం. ఇక్కడ వాక్కుకూ, మనస్సుకూ సంబంధం ఉంది.ఒక విధంగా ఈ రోజు అనుదిన వ్యవహారాల్లో " వాక్ శక్తి" ని ఉపయోగించుకుంటున్నాం కదా!అయితే ఇది అస్త్ర విద్య స్థాయిలో లేనటువంటి చిన్న మాటలు. అస్త్ర విద్య అంటే అతి తీవ్రమైన, అత్యధిక ఫ్రీక్వెన్సీ గల వాక్ శక్తి. ఈనాడు యంత్రాలతో చేస్తున్న చమత్కారాలన్నీ...ఆనాడు, వాక్కుతోనే జరిగి పోయేవి. వాక్ శక్తి యొక్క , సార్వజనీన ప్రయోగాన్ని, అరికట్టకపోతే...జీవితం (life principle) యొక్క, స్పర్శా అవ్యక్త మనోమయ పరిధి నుండి, స్థూల జగత్తుకు దిగలేదు. అందువల్ల అస్త్రవిద్యను కీలితం చేయవలసి వచ్చింది. దీని గూర్చి అవగాహన కోసం *"భగవద్గీత నందలి రాజవిద్య-రాజగుహ్యం"* చదువగలరు.

   శ్రీకృష్ణుడు, శరీరం వదలినప్పటి నుండి...ఇప్పటి వరకు...హిమాలయాలలో  *సత్రయాగం* జరుగుతోంది. ఈ సత్రయాగం జరుగుతున్న చోట, వాళ్ళేం చేస్తున్నారు? ఎక్కడెక్కడ మానవ జాతి అస్త్రవిద్యను మరచిపోయిందో...అక్కడ ఒక మహాపురుషుణ్ణి పుట్టించి ఈ విద్య నాశనం అయిపోకుండా చూస్తున్నారు.